Tá Gmail ar fáil i nGaeilge anois agus Cuma Mhaith Air

Tá sé fógartha ag Google inniu go bhfuil a gcóras ríomhphoist Gmail ar fáil anois i nGaeilge.

D’oibrigh foireann Google le pobal na Gaeilge chun an t-aistriúchán a dhéanamh. Tá Gmail ar cheann des na seirbhísí ríomhphoist is mó atá in úsáid ar fud an domhain, é ar fáil i 71 teanga, le breis agus 425 milliún úsáideoir aige.

Tá cuma mhaith ar an aistriúchán, le téarmaíocht chiallmhar agus so-tuigthe, don gcuid is mó.

Níl aon dabht ach go mbeidh an áis seo ina cabhair mhór d’éinne atá ag iarraidh an Ghaeilge a úsáid ina saol oibre nó ina saol pearsanta. Nuair a bhíonn tú ag obair agus feidhmiú i nGaeilge, is mór an trioblóid a chuireann sé ar dhuine athrú go Béarla chun plé lena gcóras ríomhpoist. Tá timpeallacht an ríomhaire ag éirí níos Gaelaí an t-am ar fad.

Chun do chóras Gmail a athrú go dtí an comhéadan Gaeilge, níl le déanamh ach ‘socruithe’ a roghnú ón roghchlár faoi bhun an ‘roth fiaclach’ atá ar bharr an leathanaigh ar dheis. Tá an socrú don teanga ar bharr an liosta agus tá ‘Gaeilge’ ar an liosta.

Is foilsiúchán de chuid Blacknight, an comhlacht óstála agus ainmneacha fearrainn, é Technology.ie.

Related articles

• Media Temple Launches Google Apps for Work
• Edit Microsoft Office files from Gmail
• Have you tried the gorgeous email app that Google hopes will someday replace Gmail?
• Advertising Dot.com domains ‘As Gaeilge’